بيتزا . الوصفة مكتوبة
العجينة :
500غ فرينة(دقيق)
أربع ملاعق كبار زيت
نصف كاس حليب، ماء عادي
ملعقة كبيرة غير مملوءة خميرة خبز
ملعقة كبيرة سكر
ملح .
تخلطي المكونات مع بعض تتحصلي على عجينة طرية و تتلاصق أعملي الزيت في يديك و اعجنيها مدة ثلاث دقايق غطيها و حطيها في الثلاجة ترتاح لمدة ساعة على الأقل.
الصلصة :
زوج حبات طماطم كبار، حبة صغيرة بصل، ثوم، نصف ملعقة طماطم مصبرة، ملح، زيت، توابل اللي تحبيها خاصة الزعتر ،
قطعيهم و حطيهم يطيبو على نار هادية حاولي ما تزيديش الماء إلا للضرورة، تتحصلي على صلصة مجمرة ارحيها بالميكسور، و إذا ما عندكش خليها هكداك.
للتزيين : لكي الإختيار
زيتون أسود ، جبن مبشور، جبن طري، تونة، زعتر يابس و مش مرحي، فلفل حلو و فلفل حار قطعيهم دوائر.
خدي شوية عجينة على حسب السنيوة اللي عندك رشي الفرينة و ابسطيها، و حطي عليها الصلصة و الجبن المبشور و زينيها بالزيتون و الجبن و الزعتر و الفلفل ثم اثقبي العجينة كلها بالشوكة (فرشيطة)و دخليها للفرن اللي سخنتيه من قبل على درجة حرارة 220 و عسيها غير تحمار من تحت شوية شعليلها من فوق لمدة ثلاث دقايق.
